Agjenti i Hysajt flet për të ardhmen e mbrojtësit shqiptar

Agjenti i Elseid Hysajt, Mario Giuffredi ka thënë se klienti i tij mund të largohet nga Napoli gjatë kësaj vere, transmeton zeri.info

Reprezentuesi i Shqipërisë ishte lidhur me një largim nga napolitanët edhe në afatin kalimtar të janarit, por qëndroi në skuadër pas emërimit të Gennaro Gattusos.

Hysaj ka kontratë me klubin italian deri në verën e vitit të ardhshëm.

“Ne kemi folur për këtë, Napoli e di situatën. Ne presim për përgjigje dhe kur t’i marrim, do të shohim se çfarë do ta thonë”, ka thënë Giuffredi.

“Ka dëshirë për ta rinovuar kontratën dhe pastaj të shitet gjatë verës, unë nuk dua t’i kem dy prej lojtarëve të mi në të njëjtin rol”, ka shtuar ai duke folur edhe për Giovanni Di Lorenzo./Zëri