Gattuso largohet nga Napoli?

Pas humbjes 3:2 të Napolit nga Lecce në fundjavë raportohet se Gennaro Gattusos nuk do t’i rinovohet kontratë në qershor, transmeton zeri.info

Gattuso ishte emëruar trajner i klubit pas shkarkimit të Carlo Ancelottit në dhjetor.

Pavarësisht fitoreve ndaj Lazios dhe Juventusit, Gattuso ka vuajtur që ta kthejë fatin e Napolit.

Pas humbjes së fundit, “Calciomercato.com” raporton se ekziston mundësia që klubi napolitan të mos ia vazhdojë kontratën trajnerit në qershor.

Ky medium shkruan se nën drejtimin e Gattusos Napoli ka marrë më pak pikë, ka shënuar më pak gola dhe ka pësuar më shumë se sa nën urdhrat e Ancelottit në fillim të edicionit.

Raportohet se Napoli mund ta zëvendësojë Gattuson me Ivan Juricin, Gian Piero Gasperinin apo Luciano Spallettin për edicionin e ardhshëm./Zëri