Për nder të 17 shkurtit, Komuna e Lipjanit organizon 'Kupën e Pavarësisë'

Për nder të 17 shkurtit, ditës së pavarësisë së Kosovës, Komuna e Lipjanit do ta organizojë 'Kupën e Pavarësisë'.

Nën patronatin e kryetarit Imri Ahmeti, Komuna e Lipjanit do ta organizojë turneun në futboll të vogël, raporton Zëri.info.

Paraqitja e skuadrave kushton 10 euro, derisa ndeshjet do të zhvillohen në sallën 'Better Life Center'.

Turneu në fjalë nis më 10 shkurt, derisa do të marrin pjesë 32 skuadra, me sistemin 4+1.

Për fituesin e këtij turneu do të ketë edhe shpërblime.

Vendi i parë do të fitojë 500 euro, kurse vendi i dytë 200 sosh./Zëri.info