Gjendet i vdekur ish-sportisti i njohur dhe partnerja e tij

Në Kaliforni të Shteteve të Bashkuara të Amerikës ka ndodhur një ngjarje e rëndë, raporton Zëri.info.

Ish-hokejisti Darren Partch (38 vjeç) dhe avokatja Wendi Miller (48) janë gjendur të vdekur në banesën e ish-sportistit.

Partch ka bërë karrierë profesionale gjithandej Amerikës, ndërsa Miller është themeluese e një organizate që përkujdeset për fëmijët, prindërit e të cilëve janë në procedura gjyqësore.

Djali i avokates Miller ka bërë të ditur se nuk ka ndonjë të dyshuar për rastin.

“Nuk ka një njeri konkret në të cilin dyshoj. Mendoj se ishte e dashur në këtë tokë, por do ta duan edhe më shumë në parajsë. Të dua nënë”, ka shkruar djali i saj. /Zëri.info