Real Madridi “peshkon” në Itali
Sport
June 17, 2018 - 11:22
Detajet
Real Madridi synon t’i transferojë dy yje të Serisë A, të cilët kanë impresionuar më së shumti sezonin që lamë pas.
Sipas Corriere dello Sport, trajneri i ri i Real Madridit, Julen Lopetegui, u ka kërkuar drejtuesve të klubit ta përforcojnë skuadrën me portierin e Romës, Alisson Becker, dhe mesfushorin e Lazios, Sergej Milinkovic-Savic, transmeton Gazeta Express.
Për Alissonin Reali tashmë ka bërë ofertë fillestare prej 55 milionë euro plus 5 milionë tjera bonuse, por e cila iu ka refuzuar nga Roma.
Ndërkohë, për mesfushorin serb të Lazios, Lopetegui iu ka kërkuar drejtuesve t’i nisin bisedimet.
Për Milinkovbic-Savic janë të interesuara edhe Juventusi dhe Manchester Unitedi. Lazio këmbëngul se nuk do ta lëshojë atë pa 150 milionë euro.