Elijona viziton varret e nënës dhe motrës: Shpresoj që nga lart po më shihni dhe po ju bëj krenare
Elijona Binakaj u shpall finalistja e dytë në edicionin e katërt të Big Brother VIP Kosova.
Ajo shënoi një sukses të madh si 19-vjeçare, ndërsa mori dhjetë mijë euro për këtë pozitë.
Ish-konkurrentja pas përfundimit të këtij reality shou ka shkuar të vizitojë varret e nënës dhe të motrës.
E njëjta në Big Brother ka rrëfyer se në vitin 2021 në një aksident me autobus i kanë vdekur nëna dhe motra.
"Shpresoj që nga lart po më shihni dhe jam duke ju bërë krenare", shkroi ajo.
Në vazhdim theksoi: "Çdo sukses është për ju. Ju dua përjetë, mami dhe motra ime".
Elijona i ka përmendur shpesh edhe sa ishte brenda, duke treguar se ndjen shumë mall për to.
Kujtojmë se gjatë qëndrimit në shtëpi Elijona bëri rrëfimin prekës sesi i kishte humbur nënën dhe motrën në një aksident trafiku.
