Këngëtarja Lore, banorja e radhës në BBVA 5

Banorja e katërt që do të hyjë në shtëpinë e Big Brother VIP Albania 5 është Lore, këngëtarja 30-vjeçare nga Tirana.

Ajo nisi karrierën e saj muzikore në moshën 17-vjeçare, duke marrë pjesë në X Factor, dhe më pas vazhdoi të zhvillojë talentin e saj në muzikë.

Përveç pasionit për artin, Lore ka studiuar për drejtësi, duke kombinuar arsimimin akademik me rrugëtimin artistik.

Së fundi, ajo ka marrë pjesë në Këngën Magjike me projektin e saj muzikor “Amanet”, duke treguar talentin dhe prezencën e saj të fortë në skenën muzikore shqiptare.

Prania e Lore në BBVA 5 pritet të sjellë energji dhe momente interesante brenda shtëpisë, duke kombinuar karizmën e artistes me dinamikat tipike të formatit. /telegrafi