Bebe Rexha ndez rrjetin: Një fjali në gjuhën shqipe në projektin e saj të ri muzikor

Këngëtarja shqiptare me famë botërore, Bebe Rexha, sapo ka publikuar një lajm që ka bërë komunitetin shqiptar të “çmendet”. Në videon e fundit në TikTok, ajo ka zbuluar se në projektin e ardhshëm muzikor ka futur një fjali në gjuhën shqipe. Fansat dhe ndjekësit e saj janë entuziazmuar menjëherë, duke shpërndarë komentet dhe duke shprehur krenarinë për lidhjen që Bebe ruan me rrënjët e saj.

Në videon e shkurtër, Bebe tregon pjesë të këngës nga studioja, duke theksuar:

“Kam përdorur edhe një fjali shqip në tekst.”

Kjo zgjedhje nuk është rastësore. Bebe Rexha, e cila prej vitesh dominon top-listat globale, vazhdon të tregojë se nuk e harron kurrë prejardhjen e saj shqiptare. Karriera e saj përfshin hite ndërkombëtare, bashkëpunime me artistë të mëdhenj, nominime dhe çmime, dhe çdo projekt i ri është një mundësi për të lidhur suksesin global me identitetin personal dhe kulturor.

Fansat tashmë po presin me padurim publikimin e këngës, të cilën e konsiderojnë si një “homazh të bukur ndaj gjuhës dhe kulturës shqiptare”. Ky detaj nxit edhe më shumë pritshmëritë për projektin e ardhshëm, duke treguar se Bebe Rexha është një ndër artistet më të suksesshme shqiptare që ka arritur të ndërthurë talentin, identitetin dhe influencën globale në mënyrë të shkëlqyer. /kultplus