Bella Hadid dhe Pedro Pascal ngrenë zërin për Palestinën dhe Sudanin, organizojnë një koncert për të ndihmuar fëmijët

Modelja Bella Hadid dhe aktori Pedro Pascal marrin pjesë në organizimin e koncertit “Artists For Aid” për të ndihmuar njerëzit e Palestinës dhe Sudanit. Koncerti do të mbahet më 10 janar në Teatrin Fonda në Los Angeles.

Iniciativa për të organizuar këtë koncert u iniciua nga kompozitori sudanezo-kanadez Mustafa Ahmed, i cili njihet edhe si Poeti Mustafa.

“Një falënderim i sinqertë për të gjithë artistët që pranuan të japin kohën e tyre dhe të ngrenë zërin për këtë. Udhëtimi nuk ka qenë i lehtë”, tha ai në Instagram, ndër të tjera.

Në koncert marrin pjesë Mustafa, Clairo, Lucy Dacus, Geese, Alex G, Blood Orange, Daniel Caesar, Faye Webster, Jazmine Sullivan, Noname, Noor Hindi, Omar Apollo, Raphael Saadiq, Ravyn Lenae, Rex Orange County, Safia Elhillo, Shawn Mendes, Snoh'0 TaminokeAaleg.

Të gjitha të ardhurat do të shkojnë për Shoqatën Mjekësore Amerikane të Sudanit dhe Fondin e Fëmijëve Palestinezë, të cilat ofrojnë mbështetje të rëndësishme mjekësore dhe humanitare për fëmijët që jetojnë në këto vende.

Ky është edicioni i tretë i koncertit “Artistët për Ndihmë”. I pari u mbajt në janar 2024 në New Jersey, dhe i dyti në korrik të këtij viti në Londër.