“Ndërrove jetë në krahët e mi”, reagon ish-bashkëshortja e Shpat Kasapit

Ish-bashkëshortja e Shpat Kasapit, Selvija, ka reaguar pas vdekjes së tij.

Ajo ka publikuar një mesazh emocional, duke zbuluar edhe detaje të vështira nga periudha e fundit e jetës së artistit.

Ajo tregoi se momentet e fundit të Shpat Kasapit ishin kaluar në përpjekje për të siguruar dokumentacionet për udhëtimin e djalit të tyre, Roelit, për trajtim logopedik në Itali. Ajo shkruan se të dy kishin qenë të angazhuar maksimalisht për rritjen dhe zhvillimin e fëmijës.

“Ndrove jetë në krahët e mi, o jetë… Sa të lumtur ishim që më në fund Roelit po i bëheshin dokumentat në Itali, që të mund ta çonim sa më shpejt tek logopedët më të mirë… Nuk prite ta dëgjoje duke të thirrur babi… nuk prite, Shpat. Nxitove dhe na le këtu vetëm, pa ty”, shkruan ajo mes emocionesh të forta.