Meryl Streep dhe Anne Hathaway përsëri bashkë - publikohet traileri i “The Devil Wears Prada 2”

20th Century Studios ka publikuar trailer-in e parë për filmin "The Devil Wears Prada 2", vazhdimi i shumëpritur i filmit të vitit 2006 që rikthen aktorët origjinalë: Meryl Streep, Anne Hathaway, Stanley Tucci dhe Emily Blunt.

Në klipin e shkurtër, Miranda Priestly (Meryl Streep) ecën nëpër korridore me taka të kuqe përpara se t'i bashkohet në ashensor ish-asistentja Andy Sachs (Anne Hathaway).

Bazuar në librin me të njëjtin emër nga Lauren Weisberger, ky projekt ndjek Andy Sachs (Hathaway), një praktikante e diplomuar së fundmi që dëshiron të ndjekë një karrierë në gazetari.

Andy përfundon duke punuar si asistente për Miranda Priestly, kryeredaktoren e "Runway", një revistë fiktive e modës së lartë.

Gjatë gjithë filmit, Andy përpiqet të përmbushë kërkesat e punës, ndërkohë që ruan një marrëdhënie me të dashurin dhe kolegët e tij.

Kastit i bashkohen: Kenneth Branagh, Lucy Liu, Justin Theroux, BJ Novak, Pauline Chalamet, Patrick Brammall, Caleb Hearon dhe yjet e Broadway-t Helen J. Shen dhe Conrad Ricamora.

Sipas një njoftimi për shtyp, aktorët Tracie Thoms dhe Tibor Feldman do të riinterpretojnë gjithashtu rolet e tyre si "Lily" dhe "Irv" nga filmi origjinal.

Vazhdimi i filmit të vitit 2006 do të jetë i disponueshëm në kinema nga 1 maji 2026.