Parashqevi Simaku me dedikim prekës për të birin: Largësia nuk e zbeh kurrë dashurinë e një nëne

Këngëtarja e njohur shqiptare, Parashqevi Simaku, ka ndarë një dedikim plot emocion për djalin e saj, Luke.

Përmes një postimi në rrjetet sociale, ajo shkroi: “Luke... largësia nuk e zbeh kurrë dashurinë e një nëne, çdo ditë të mendoj me mall dhe krenari. Edhe pse nuk je pranë, zemra ime të ndjen afër gjithmonë”.

Këngëtarja shtoi: “Je gjithçka që një nënë mund të ëndërrojë – drita, forca dhe shpresa ime. Të dua pafund, sot dhe gjithmonë”.

Fjalët e saj prekëse janë pritur me shumë komente dhe reagime nga ndjekësit, të cilët i kanë dërguar fjalë mbështetjeje për lidhjen e veçantë nënë-bir.

Simaku, e cila prej vitesh jeton në Shtetet e Bashkuara të Amerikës, ka kaluar periudha të vështira larg familjes. Në fillim të këtij viti, ajo u ribashkua me të birin pas shumë kohësh.

Artistja, e njohur për hitet e paharrueshme nga vitet ’80 dhe ’90, është rikthyer kohët e fundit në vëmendjen e publikut jo vetëm për muzikën, por edhe për historinë e saj të jetës, periudhën si e pastrehë në ShBA.

Pavarësisht gjithçkaje, mesazhet e saj të fundit tregojnë forcën, dashurinë dhe shpresën që ajo ruan për djalin e saj dhe për jetën.