Gresa Gashi me mesazh për konkurrentët e rinj në Big Brother: Shijojeni në maksimum çdo minutë

Gresa Gashi, e njohur për pjesëmarrjen në edicionin e tretë të Big Brother VIP Kosova, ka ndarë me ndjekësit një moment të veçantë duke rikujtuar një vit nga xhirimi i klipit të saj për programin.

Ajo përshkroi përvojën si “një ndjenjë të jashtëzakonshme”, duke treguar emocionet e forta që përjetoi gjatë atyre momenteve.

Në një postim në InstaStory, Gresë shkroi: “Sonte bëhen një vit kur kam xhiruar klipin për Big Brother. Ndjenjë e jashtëzakonshme e papërshkruar, zemra më dilte nga vendi”.

Ajo shtoi gjithashtu një mesazh për pjesëmarrësit e rinj: “Suksese të gjithëve që tani do të fillojnë me xhirime. Shijojeni në maksimum çdo minutë”.

Mesazhi i saj reflekton përvojën personale dhe këshillat e fituara gjatë kohës së kaluar brenda shtëpisë më të famshme televizive në Kosovë.

Gresa u dallua gjatë qëndrimit në Big Brother VIP për karakterin e fortë, sinqeritetin dhe mënyrën e menaxhimit të lojës, duke lënë një përshtypje të thellë tek publiku.

Ajo arriti të krijojë lidhje të forta me disa nga banorët, ndërkohë që ruante një qetësi dhe maturi në situatat më të tensionuara.