Vajza e Hulk Hoganit zbulon se do të qëndrojë në një hotel, pasi u hoq nga testamenti

Brooke Hogan, vajza e legjendarit Hulk Hogan, zbuloi se aktualisht jeton me familjen në një hotel në Miami, pasi u la jashtë testamentit të babait të saj me vlerë pesë milionë dollarë.

Burri i saj, ish-lojtari profesionist i hokejit Steven Olesky, i tha Page Six se ky stil jetese nuk është asgjë e re për ta.

"Jemi mësuar me udhëtime të vazhdueshme. Brooke po punon përsëri me shtëpinë diskografike Sobe Entertainment, për të cilën ka punuar më parë, dhe brenda dhjetë ditësh ata regjistruan deri në 14 këngë", tha Olesky.

Ai shtoi se ai dhe binjakët, Oliver dhe Molly, kanë krijuar një rutinë të mirë dhe se e shijojnë jetën e përditshme.

Vetë Brooke shkroi në Instagram, ku postoi pamje nga studioja e regjistrimit dhe zbuloi se po punon për muzikë të re.

Më herët këtë muaj, Brooke komentoi publikisht vendimin e babait të saj për të mos e përfshirë atë në testamentin e tij.

"Vendimi i tij nuk më habiti. Mora atë që kërkova dhe nuk kam asnjë ankesë. Babai im e di që kam qenë e pavarur prej vitesh dhe se nuk varem nga paratë e tij", tha ajo në atë kohë.

Ndryshe nga ajo, vëllai i saj, Nick Hogan, u emërua si trashëgimtari i vetëm i pasurisë së Hulk.

Hulk Hogan, emri i vërtetë i të cilit është Terry Bollea, ndërroi jetë në korrik të këtij viti në moshën 71-vjeçare.

Shkaku i vdekjes ishte arresti kardiak, dhe dihet se ai vuante edhe nga leukemia për vite me radhë dhe kishte probleme me aritminë kardiake.