Shailene Woodley mahnit në premierën e “Jay Kelly” në Venecia
Shailene Woodley tërhoqi vëmendjen në tapetin e kuq të Festivalit të Filmit në Venecia, ku mori pjesë në premierën e filmit “Jay Kelly”.
Aktorja 33-vjeçare u shfaq elegante me një fustan të shkurtër sate në ngjyrë të zezë, të kombinuar me taka të larta dhe bizhuteri tërheqëse, duke u shfaqur plot stil dhe shkëlqim.
Edhe pse nuk është pjesë e filmit, Woodley ishte aty për të mbështetur mikun e saj të ngushtë, George Clooney, me të cilin ka ndarë skenën në filmin “The Descendants” (2011), shkruan DailyMail.
Projekti i ri, ku Clooney interpreton një aktor në një udhëtim të papritur në Evropë, do të shfaqet në Mbretërinë e Bashkuar më 14 nëntor.
Në planin profesional, Shailene po përgatitet për role të rëndësishme, përfshirë filmin biografik për Janis Joplin dhe sezonin e ri të dramës “Big Little Lies”.
Ndërkohë, jeta e saj private po lulëzon: që nga marsi ajo është në një lidhje me aktorin francez Lucas Bravo, i cili është përshkruar si i thjeshtë dhe mbështetës.
Pas ndarjes së vështirë nga Aaron Rodgers në vitin 2022, Shailene ka gjetur qetësi dhe është përqendruar tek momentet e lumtura.
