Angela Bassett zbulon se për cilin rol filmik ëndërron ende

Angela Bassett ka ndërtuar një karrierë duke portretizuar disa nga gratë më me ndikim në histori, dhe siç thekson ajo, ka një rol që ajo ende ëndërron ta luajë.

Ky rol lidhet me një figurë të fuqishme të botës antike, shkruan revista Far Out.

Bassett është bërë sinonim i interpretimit të grave të forta.

Ajo e portretizoi me besnikëri Tina Turner në filmin “What’s Love Got to Do With It”, të cilin vetë Turner e përshkroi si perfekt.

E njëjta gjithashtu luajti rolin e Coretta Scott King, gruas së Martin Luther King, në filmin “Betty & Coretta”, dhe është e njohur për audiencën si Mbretëresha Ramonda në hitin e Marvel “Black Panther”.

“Kam pasur privilegjin e madh të luaj role të grave të forta me ngjyrë në karrierën time”, tha Bassett për Coveteur.

Krenaria e saj për këtë punë është e rrënjosur thellë, pasi përpara karrierës së saj në Hollywood, ajo u diplomua me një diplomë Bachelor në Studime Afro-Amerikane nga Yale dhe një Master të Arteve të Bukura nga Shkolla e Dramës në Yale.

Pavarësisht karrierës së saj të suksesshme, Bassett pohon se nuk i ka arritur të gjitha ambiciet e saj.

Kur u pyet për rolin e ëndrrave të saj, ajo u përgjigj pa hezitim: “Mbretëresha Nefertiti nga dinastia e 18-të e Egjiptit. Legjenda e fuqisë, intelektit dhe bukurisë së saj më tërheq drejt historisë së saj dhe do të doja shumë ta portretizoja atë në ekran”.

Nefertiti udhëhoqi një revolucion fetar me Faraonin Akhenaten dhe u bë një nga figurat më me ndikim në botën e lashtë. Megjithatë, varri i saj nuk është gjetur kurrë, duke e lënë historinë e saj të mbuluar nga misteri.

E vetmja provë e trashëgimisë së saj është një bust i mbajtur në Berlin që dëshmon për pushtetin e saj. /telegrafi