Nelly Furtado shkëlqen në Festivalin Boardmasters me stil unik dhe mesazh të fuqishëm për gratë

Nelly Furtado, solli energji në Festivalin Boardmasters në Cornwall, ku u shfaq me një kombinim të guximshëm pantallonash të shkurta me rrudha, një bluzë jeshile të mbështjellë dhe çizme të bardha kauboji.

Këngëtarja e hitit “I’m Like a Bird” e plotësoi dukjen me syze dielli dhe bizhuteri tërheqëse, duke u shfaqur e buzëqeshur dhe e sigurt në skenë.

Edhe pse lista e plotë e këngëve nuk është bërë publike, Furtado ka performuar kohët e fundit disa nga hitet e saj më të mëdha, përfshirë Say It Right, Maneater, I’m Like a Bird dhe All Good Things (Come to an End), shkruan DailyMail.

Përveç spektaklit muzikor, këngëtarja ndau edhe një rrëfim të ndjerë për një marrëdhënie të kaluar abuzive, duke e përshkruar si “toksike” dhe duke theksuar se frika dhe dashuria mund ta mbajnë dikë të bllokuar në një situatë të tillë.

Në një intervistë për podkastin Call Her Daddy, ajo u bëri thirrje grave të ruajnë forcën mendore dhe të dëgjojnë ata që u thonë të vërtetën, edhe kur ajo nuk është e lehtë për t’u pranuar.

Nelly, nënë e tre fëmijëve, vazhdon të frymëzojë jo vetëm me muzikën e saj, por edhe me mesazhet e fuqishme për forcën, vetëvlerësimin dhe mbështetjen mes grave. /Telegrafi