Beyonce mblodhi grupin “Destiny’s Child” për një performancë lamtumire si pjesë e turneut

Beyonce e përfundoi turneun e saj “Cowboy Carter” me një koncert spektakolar në Las Vegas dhe e shfrytëzoi performancën lamtumirëse për të mbledhur një numër të madh të ftuarish surprizë.

Ajo ribashkoi grupin legjendar “Destiny’s Child” për kënaqësinë e një publiku të madh në koncert.

Gjatë koncertit në stadiumin Allegiant, Michelle Williams dhe Kelly Rowland iu bashkuan Beyonce në skenë për të performuar një përzierje të hiteve më të mëdha, siç konfirmohet nga videot nga rrjetet sociale.

Në një nga videot, mund të shihni se si treshja, u ngjit në skenë dhe e filloi performancën me këngën “Lose my Breath” para një publiku entuziast.

Rowland dhe Williams e ndihmuan Beyonce-n të interpretonte këngën e saj “Energy” nga albumi i saj ‘Renaissance’, gjatë së cilës ata performuan “mute challenge”-in e njohur.

Ata e përfunduan ribashkimin me hitin e tyre të vitit 2001 “Bootylicious”.

Ky ishte ribashkimi i parë i “Destiny’s Child” në skenë që nga performanca e Beyonce në ‘Coachella’ në vitin 2018.