Fansat habiten kur zbulojnë prindërit e famshëm të Billie Eilish, a është ajo një ‘fëmijë nepo’?

Fansat e Billie Eilish janë habitur kur kanë zbuluar se këngëtarja fituese e ‘Grammy’ vjen nga një familje me rrënjë të thella në botën e artit.

Kjo ka ngjallur diskutime të shumta në rrjete sociale, me shumë ndjekës që pyesin nëse ajo është një “fëmijë nepo” – term që i referohet fëmijëve të personazheve të famshëm që përfitojnë nga statusi i familjes së tyre.

Nëna e saj, Maggie Baird, është një aktore që ka marrë pjesë në disa projekte të njohura, përfshirë serialin kult “Friends”, ku në vitin 1999 ajo interpretoi një drejtoreshë përzgjedhjeje në një episod me Joey-n. Ndërkohë, ajo ka pasur role edhe në seriale si “The X Files”, “Six Feet Under” dhe “Bones”, shkruan DailyMail.

Babai i Billie-t, Patrick O’Connell, është gjithashtu aktor dhe është shfaqur në filmin “Iron Man” të vitit 2008, si dhe në seriale të njohura si “The West Wing” dhe “Baskets”.

Vëllai i saj, Finneas, është një tjetër emër i njohur në industrinë muzikore, duke qenë producenti i suksesshëm që qëndron pas shumë prej hiteve të Billie-t.

Zbulimi i prindërve të saj ka nxitur reagime të shumta online. “Sapo e pashë episodin në Friends dhe tani ndihem keq që nuk e njoha”, shkroi një fans.

Një tjetër komentoi me habi: “O M**TË SHENJTË, mendova se më dukej e njohur!”

Ndërkohë, Billie po vijon suksesin e saj ndërkombëtar. Me tre albume, nëntë çmime ‘Grammy’ dhe dy ‘Oscar’, ajo aktualisht ndodhet në një turne botëror që përfshin disa net në O2 Arena të Londrës.

Kohët e fundit, ajo konfirmoi lidhjen me aktorin Nat Wolff, pas spekulimeve të shumta rreth romancës së tyre.