Irina Shayk shkëlqen në Javën e Modës në New York me një fustan elegant

Irina Shayk tërhoqi vëmendjen në shfaqjen e Tory Burch gjatë Javës së Modës në New York.

Ajo parakaloi në pasarelë me një fustan të ndritshëm dhe një të çarë të guximshme.

Modelja ruse, 39 vjeçe, e kombinoi veshjen me geta gjysmë të tejdukshme, një xhaketë të madhe ngjyrë kafe dhe aksesorë të koordinuar, shkruan DailyMail.

Në event u shfaqën edhe Olivia Attwood, Ciara, Alexandra Daddario dhe Amanda Seyfried, secila me stilin e saj unik.

Olivia zgjodhi një fustan jargavan elegant, ndërsa Ciara shkëlqeu me një ansambël të guximshëm të zi.

Paraqitja e Irinës vjen në një moment kur ish-partneri i saj, Bradley Cooper, festoi fitoren e Philadelphia Eagles në Super Bowl me vajzën e tyre, Lea.

Megjithëse u ndanë në 2019, ata vazhdojnë të jenë bashkëprindër të përkushtuar.

Së fundmi, modelja festoi ditëlindjen me surpriza të bukura, përfshirë dhurata luksoze dhe një tortë unike. /telegrafi