Ndahet nga jeta fotografi i Benettonit, Oliviero Toscani

Fotografi i njohur italian Oliviero Toscani vdiq mbrëmjen e së dielës në një spital jashtë Firences, ku ishte shtruar ditët e fundit. Ai ishte 82 vjeç dhe që nga viti 2022 luftonte me amiloidozën, një sëmundje e rrallë që shkakton akumulimin e proteinave në organe të ndryshme të trupit.

Këtë e kishte zbuluar vetë në një intervistë për gazetën italiane Corriere della Sera gushtin e kaluar. “Kam jetuar shumë, shumë mirë, pa shef dhe pa rrogë të përhershme, kam qenë gjithmonë i lirë”, kishte deklaruar ai në gazetën Milano. Oliviero Toscani e lidhi emrin e tij me fushatat e mëdha reklamuese të një shtëpie të njohur italiane të modës e cila kishte shkaktuar edhe një sërë kritikash.

Që në moshën katërmbëdhjetë vjeçe ai punoi si fotograf

Filloi të punonte si fotograf në moshën katërmbëdhjetëvjeçare dhe më pas studioi fotografi në Universitetin e Arteve në Cyrih. Ai bashkëpunoi me një sërë shtëpish të njohura, por që nga viti 1982 e në vazhdim emri i tij u lidh kryesisht me familjen italiane Benetton.

Ai nuk hezitoi që në fotografitë dhe fushatat që firmosi t’i jepte një rol të madh çështjeve si mafia, lufta kundër SIDA-s, homofobia, dënimi me vdekje dhe racizmi. Në të njëjtën kohë, ai bashkëpunoi me Kryqin e Kuq, Institutin e Lartë Italian të Shëndetësisë dhe Komisionerin e Lartë të Kombeve të Bashkuara për Refugjatët.

Kur u pyet se cili ishte sekreti i tij i vërtetë, Oliviero Toscani u përgjigj: “Po kërkoj fytyra të reja, njerëz me entuziazëm në sytë e tyre. Kërkoj që të mos lyhen, sepse bukuria është diçka tjetër”. /abcnews