Melinda Ademi po vjen me albumin e parë: Do të pasqyrojë se kush jam, një anë që edhe më shumë do ta njihni

Rap-artistja e njohur shqiptare, Melinda Ademi, po vjen me albumin e parë.

Ajo ka njoftuar fansat se tashmë ka nisur me përgatitjet dhe së shpejti do të sjellë projektin e parë, i cili do të jetë në bashkëpunim.

E njëjta thekson se ky album do të pasqyrojë kush jam dhe një anë tjetër që do ta njihni edhe më mirë.

Postimi i plotë (pa ndërhyrje):

“Për të gjithë fansat e mi, albumi im po vjen.

Në vitin 2018, isha duke jetuar në Yonkers, NY, ku bëra hapin e besimit ndaj vetes dhe bëra dy valixhe për të vazhduar karrierën time muzikore në Kosovë.

Ishte vendimi më i mirë i jetës time, sot, 6 vjet më vonë, kam kënaqësinë të ju njoftoj se unë jam duke incizuar – realizuar albumin tim të parë në studio me Redbox Entertainment.

Ky album do të pasqyrojë se kush jam unë, Melinda e patrembur dhe argëtuese, e mbushur me zemër, dhe anën e Melindës që ju edhe ma shumë do ta njihni. Jam shumë e emocionuar që po punoj në këto koleksione këngësh, me shumë artistë të jashtëzakonshëm që unë i respektoj shumë.
Këngën e parë nga albumi do ta publikojë këto ditë e cila do të quhet ‘Eci’ në bashkëpunim me Lumi B…

Ky album do të jetë puna ime më e mirë deri më tani dhe mezi pres që të gjithë ta dëgjoni. Albumi do lansohet në kanalin tim i cili menaxhohet nga ONIMA.

Për fansat dhe mbështetësit e mi, kjo do të jetë e gjitha për ju.

Me dashuri, Melinda Ademi”.