Rita Ora dhe nëna e saj Vera shkëlqejnë në mbrëmjen e yjeve “Fashion Awards”

Rita Ora, në shoqërinë e nënës së saj Vera dhe supermodeles Jourdan Dunn, ishin ndër të parat që u larguan nga mbrëmja e yjeve “Fashion Awards”e mbajtur të hënën në mbrëmje.

Këngëtarja 34-vjeçare dukej pothuajse e panjohur, pasi kishte ndryshuar pamjen me një ngjyrë të re flokësh – bionde, teksa pjesën para e kishte ngritur lart dhe kishte forma kaçurrelash pas.

Ajo e fshehu trupin e saj të hollë nën një blazer gri të tepërt dhe pantallona të zeza të gjera, duke kombinuar veshjen me një këmishë me gajtan dhe një kravatë të kuqe me pika, shkruan DailyMail.

Nëna e saj e mbante për krah dhe dyshja u larguan nga mbrëmja pas shpërndarjes së çmimeve, duke u shfaqur në humor të shkëlqyer dhe me buzëqeshje të mëdha, të veshura në stil të ngjashëm.

Jourdan Dunn gjithashtu duket e ngazëllyer dhe duke e shijuar mbrëmjen, ndërsa largohej nga Royal Albert Hall në Londër me një look guximtar me një kostum të printuar leopardi dhe një kapelë.

Ajo i tërheq vëmendjen me këmbët e saj të gjatë dhe një look tërheqës, duke treguar formën e saj të mrekullueshme dhe dekoltenë në veshjen seksi, të cilën e kompletoi me këpucë të larta dhe aksesorë të shkëlqyer.

Edhe Rita tërhoqi vëmendjen në tapetin e kuq, duke e ngritur më tej veshjen e saj të stiluara me aksesorë metalikë të veçantë, përfshirë vathë të mëdhenj spiralë dhe gishta të mbuluar me unaza të frymëzuara nga steampunk.

Ajo gjithashtu e kishte lyer vetullën në ngjyrë bionde dhe kishte përdorur makijazh me shkëlqim, përfshirë një buzëkuq portokalli të shkëlqyer.

Mbrëmja e Fashion Awards, që u mbajt në Royal Albert Hall në Londër, bashkoi komunitetin global të modës dhe ofroi mundësinë për të shpallur arritjet e individëve që kanë sjellë ndryshime dhe inovacione në industrinë e modës.

Ndër përfituesit e mëdhenj të mbrëmjes ishte Tom Ford, i cili u nderua me Çmimin për Arritje të Jashtëzakonshme, dhe Issa Rae, fituese e Çmimit Pandora për Liderin e Ndryshimit.

Po ashtu, A$AP Rocky mori titullin “Inovator i Kulturës”, pas suksesit të tij në fushën e modës dhe pjesëmarrjes në fushata të njohura gjatë vitit.