Big Brother VIP Albania me një njoftim të rëndësishëm
Sezoni i katërt i Big Brother VIP Albania, nis në dhjetor, dhe data e saktë flitet të jetë e shtuna e 21 dhjetorit.
Por, nga tani, spektakli ka bërë një njoftim të rëndësishëm përmes një postimi në rrjetet sociale.
Formati siç duket është ende në finalizim të projektit të sivjetshëm dhe grumbullimit të personazheve, derisa kanë bërë thirrje për ata që duan t’i bashkohen kësaj gare, në mesin e VIP-ave të tjerë.
“Big Brother hap dyert së shpejti dhe po kërkon për TY! Nëse mendon se historia jote meriton të dëgjohet, mes VIP-ave mund të jesh edhe ti!”, ka shkruar produksioni në postimin e tij.
Stafi gjithashtu u bëri thirrje njerëzve që ta nisin videon në adresat përkatëse të cilat i kanë cekur në njoftimin e tyre.
“Big Brother Vip, nga dhjetori, në Top Channel”, thuhej tutje në postimin e tyre.
Ende nuk dihet nëse po kërkojnë për vetëm një personazh, a po më shumë.
