Produksioni ia ndërroi biletën e fatit Xhenetës për t’u kthyer prapë pas eliminimit?

Mbrëmë Big Brother VIP Kosova ofroi një spektakël plot momente emocionuese dhe të papritura.

Gresa, njëra nga banoret që ka luajtur me strategji të fortë që nga fillimi, kishte avantazhin e kapitenes së javës, duke çuar në nominim direkt dy banore: Drenushën dhe Xhenetën.

Pas votimeve, Xheneta ishte banorja që mori më shumë vota për të dalë nga shtëpia, por surpriza e mbrëmjes ishte se ajo pati biletën e kthimit dhe u rikthye në lojë.

Spekulimet e fansave të spektaklit shpërthyen në rrjetet sociale, duke sugjeruar se mund të kishte ndodhur një manipulim.

Ata vërejtën se kutia e biletës duket se ishte e hapur dhe Xheneta vetë krijoi dyshime, duke thënë se përpara se ta hapte plotësisht, kishte lexuar se aty shkruhej “Ti kthehesh në shtëpi”.

Kjo nuk është situata e vetme nga mbrëmë që u bë virale në rrjete sociale.

Një tjetër ngjarje misterioze e natës kishte të bënte me motrën e Dianës. Në rrjetet sociale, u shpërndanë komente që sugjeronin se ajo mund të kishte dërguar një mesazh të fshehtë për Dianën nëpërmjet faculetës, si dhe duke i përshpëritur diçka në vesh.

Disa komentues thonë se ajo tha: “E urrejmë atë”, e dyshuar të ishte një referencë për Arionin. /Telegrafi