Princi William: Ky vit është ndoshta më i vështiri i jetës sime

Princi William ka thënë se ky vit është ndoshta “më i vështiri” i jetës së tij, pasi babai i tij, Mbreti Charles, është diagnostikuar me kancer, ashtu si edhe gruaja e tij, Kate Middleton.

Në një intervistë për mediat britanike, në fund të vizitës së tij në Afrikën e Jugut, trashëgimtari i kurorës britanike pranoi se viti i tij ishte “i tmerrshëm” dhe ndoshta më i vështiri deri më tani, shkruan Reuters.

“Ju po përpiqeni të mbani gjithçka në vend dhe të zotëroni gjithçka, është vërtet e vështirë,” tha princi.

Mbreti Charles, i cili u diagnostikua me kancer në shkurt, së fundi udhëtoi në Australi dhe Samoa, ndërsa Kate, e cila iu nënshtrua kimioterapisë parandaluese, e përshkroi vitin e kaluar si “jashtëzakonisht të vështirë” për familjen.

“Jam shumë krenar për gruan dhe babanë tim për mënyrën se si ata e kanë trajtuar të gjitha, por nga pikëpamja personale, si familje, ka qenë brutale”, tha Williami, duke shtuar se Kate tani është “me të vërtetë mirë”. /abcnews