Bruce Springsteen: Trumpi po kandidon për t’u bërë një tiran amerikan
Superylli i rock-ut, Bruce Springsteen, ka mbështetur kandidaten presidenciale të SHBA-së, Kamala Harris dhe bëri thirrje për të mos mundësuar një mandat të dytë për rivalin e saj, Donald Trump.
Springsteen, në një dalje publike në fushatën e Harris në Atlanta, tha se Donald Trump po kandidonte për t’u bërë një tiran amerikan.
“Republikani nuk e kupton vendin apo çfarë do të thotë të jesh amerikan”, tha Springsteeni.
“Unë mbështes demokraten Harris sepse dëshiroj të shohë në Shtëpinë e Bardhë një lider që respekton Kushtetutën e SHBA-se dhe synon të ndërtojë një ekonomi për klasën e mesme”, shtoi ai.
Ylli i rock-ut performoi disa këngë me kitarë akustike dhe harmonikë për publikun.
Xhorxhia është një nga shtatë shtetet e ashtuquajtura “swing” që shihen si vendimtare për zgjedhjet presidenciale në SHBA, më 5 nëntor.
Për të fituar, një kandidati i nevojiten 270 vota elektorale.
Katër vjet më parë, presidenti amerikan Joe Biden mundi Trump me një diferencë prej më pak se 12.000 vota në shtetin e Xhorxhias. /oranews
