Besforti tejet i irrituar me lojën e Rezit: Është shumë i poshtër

Rezi ka qenë në qendër të një situate tejet të tensionuar në edicionin e këtij sezoni të Big Brother VIP Kosova, ku lojërat e tij kanë provokuar debate dhe tension mes banorëve.

Një moment kritik ndodhi kur Besforti, duke reflektuar mbi sjelljen e Rezit, shprehu frustrimin e tij në një bisedë me Lela.

“Nuk mundesh këtu të luash rolin e të mirit për 24 orë, sepse i keqi do të dalë në sipërfaqe” tha ai.

Këto fjalë ilustrojnë qartë ndjenjat e tij për Rezin, të cilin ai e sheh si dikë që ka lëshuar kontrollin mbi vetveten.

Besforti vazhdoi të shprehte shqetësimet e tij, duke e cilësuar Rezit si një njeri shumë të poshtër.”

Frustrimi i tij për situatën ishte i dukshëm, ndërsa pyeti me ironinë e tij: “Çfarë pret prej meje? T’i jap një boks dhe të bie në një nivel me të?” Këto fjalë tregojnë se Besforti ndjehet i provokuar dhe se po testohet vazhdimisht në durimin e tij.

Në këtë mes, Lela u përpoq të veprojë si një zë i arsyes. Ajo i shpjegoi Besfortit se karakteri provokues i Rezit është një mënyrë për të testuar limitet e të tjerëve dhe se është e rëndësishme që ai të mbajë qetësinë.

“Njerëzit po e vërejnë sjelljen e të gjithëve këtu dhe ti nuk duhet të brengosesh” i tha ajo, duke e inkurajuar të mos e lejojë sjelljen e Rezit të ndikojë në qetësinë e tij.

Megjithatë, duket se Besforti ka arritur në një pikë ku sjellja e Rezit e ka çuar në një limit.