Kaderi pas ndarjes nga Lumbardhi: Një dhimbje me fund është më mirë se sa një dhimbje pa fund

Pasi i bënë bashkë gjatë aventurës së tyre në Big Brother VIP Kosova, romanca mes Kaderit dhe Lumbardhit ka marrë fund. Lajmi u bë i ditur nga vetë bukuroshja Kader, e cila ndau këtë informacion me ndjekësit e saj.

Në një deklaratë të shkurtër, Kaderi njoftoi ndarjen nga Lumbardhi, duke shkaktuar një reagim të madh në rrjetet sociale. Pak pas njoftimit të ndarjes, ajo reagoi sërish duke ndarë një mesazh emocional.

“Një dhimbje me fund është më mirë sesa një dhimbje pa një fund,” ka shkruar Kaderi, duke lënë të kuptohet se ndarja mund të ketë qenë e dhimbshme për të dhe se diçka e veçantë mund ta ketë lënduar atë.

Ky mesazh ka ngjallur kureshtje mes ndjekësve, të cilët janë të interesuar të dinë më shumë rreth asaj që mund të ketë ndodhur mes çiftit të famshëm.

Pavarësisht spekulimeve, mbetet për t’u parë nëse do të ketë më shumë detaje nga ana e Kaderit ose Lumbardhit në lidhje me arsyet e ndarjes së tyre.

Kaderi dhe Lumbardhi ishin një nga çiftet më të përfolura gjatë kohës së tyre në Big Brother VIP Kosova, ku ndjenjat dhe lidhja e tyre u zhvilluan para syve të publikut. Ndjekësit e tyre kanë qenë dëshmitarë të momenteve të bukura dhe të vështira që ata kanë kaluar së bashku. /telegrafi