![Shqipja e ashpër në debat me Albën: Të gjithë këtu brenda të kanë pasuar si top](/uploads/zeri.info/images/2023/December/09/auto_page-69-1130x6351702155178.jpg)
Shqipja e ashpër në debat me Albën: Të gjithë këtu brenda të kanë pasuar si top
Këto ditë Shqipja ka kaluar ditë të tensionuara, pasi ajo u shpreh që kishte shumë ankth dhe këtë po ia shkaktonte Ganiu, i cili sipas saj po e ngacmonte seksualisht.
Shqipja nuk u ndal me debate, pasi ajo u fjalos edhe me Albën në oborr, duke e kritikuar për lojën dhe për takimin që kishte me motrën gjatë Prime-it.
Në një takim emocionues, Alba u surprizua nga vizita e motrës së saj, e cila pas një bisede të ngrohtë nuk mundi të përmbahej dhe i pëshpëriti diçka në vesh.
Ky veprim nuk i shpëtoi Jonidës, e cila ndërhyri menjëherë për të rikujtuar se ky lloj komunikimi nuk lejohet, duke iu referuar rregullave strikte që ndalojnë ndikimin e jashtëm në dinamikat e banorëve brenda shtëpisë.
Përplasja arriti kulmin kur Shqipja, e cila nuk duket të ketë ruajtur ndonjë fjalë, i bëri të qartë Albës se si e shihte situatën: “Të gjithë këtu brenda të kanë pasuar si top, dhe kanë përfituar nga ti.”
Vazhdoi duke lëshuar një koment të mprehtë për ndërhyrjen e motrës së Albës: “Edhe motra nga jashtë të tha, ke kujdes, ndrysho, se të kanë rrotullu.”