Presidentja Osmani i uron fat ekipit të filmit “Zgjoi” në rrugën drejt nominimeve të “Oscars 2022”
Dje (e mërkurë), Qendra Kinematografike e Kosovës njoftoi se filmi “Zgjoi”, i regjisores Blerta Basholli, është zgjedhur si propozim i Kosovës për në “Oscars 2022”.
Filmi, i cili fitoi plot tri çmime në festivalin e rëndësishëm “Sundance Film Festival”, ka tashmë rrugën e hapur drejt nominimeve për ngjarjen më madhështore të ndarjes së çmimeve për filma.
Presidentja e vendit, Vjosa Osmani, përmes një postimi në faqen zyrtare në “Twitter”, i ka dëshiruar shumë suksese ekipit të filmit, duke i uruar fat për në çmimet e Akademisë.
“Është zyrtare. Aplikimi i Kosovës për ‘Oscars’ është ‘Zgjoi’ (Hive)”. Përveç të qenit një kryevepër, kjo histori e luftës dhe këmbënguljes është një frymëzim. Fat të mbarë Blerta Basholli dhe ekipit. Fituesi i trefishtë i ‘Sundance’, ‘Hive’ është zgjedhur si pretendues ndërkombëtar i ‘Oscar’-it”, shkruhet në postimin e presidentes Osmani. /Zëri
It's official.ë's entrant for the Oscars is Hive!
— Vjosa Osmani (@VjosaOsmaniPRKS) September 9, 2021
Aside from being a masterpiece, this story of struggle & perseverance is an inspiration.
Good luck to @blertabb & team
Sundance Triple Winner ‘Hive’ Chosen as International Oscar Contender https://t.co/e2U6aemBiU via @variety
