Infektuar: 55851
Shëruar: 49269
Vdekur: 1410
 Dua Lipa fiton çmimin amerikan “AMA” për këngën më të mirë pop

Dua Lipa fiton çmimin amerikan “AMA” për këngën më të mirë pop

Showbiz November 23, 2020 - 11:48

Një tjetër vlerësim ndërkombëtar për Dua Lipën gjatë ceremonisë së djeshme të “American Music Awards”.

Kosovarja 25-vjeçare, e lindur në Londër, fitoi çmimin prestigjioz të këngës më të mirë pop, duke “mundur” rivalë të njohur si The Weeknd dhe Post Malone.

Kënga në fjalë është “Don’t start now”, pjesë e albumit që doli në tregun ndërkombëtar gjatë vitit, i quajtur  “Future Nostalgia”, që ka ngjitur tashmë Lipën në rangun e artisteve me famë botërore.

Në ceremoninë AMA, në një format të pazakontë për të respektuar masat anti-covid, çmimin për Artistin e vitit e fitoi amerikania Taylor Swift, ashtu si dhe titullin e artistes femër të preferuar, edhe pse ylli amerikan nuk ishte e pranishme në ceremoni.  “Artisti mashkull i preferuar” u fitua ndërkohë nga Justin Bieber.