Besa Kokëdhima paralajmëron bashkëpunimin me artistin e njohur

Nuk kanë të mbaruar produksionet e reja muzikore gjatë kësaj vere. Shumë artistë kanë sjellë këngët e tyre të reja, ku nuk kanë munguar edhe bashkëpunimet e suksesshme, që janë kthyer në hitet e kësaj vere.

Një tjetër këngëtare, e cila ka paralajmëruar këngën e saj të re është Besa Kokëdhima. Lajmin e ka bërë të ditur vetë Besa, përmes një postimi në Instagram.

Besa nuk do të vijë vetëm, por në një bashkëpunim me artistin grek Illeoo. Këngëtarja nuk ka dhënë më tepër detaje, duke e lënë gjithçka një surprizë për fansat./tvklan.al