Dukagjin Lipa, në mesin e baballarëve më seksi në Britaninë e Madhe
Para disa dite biseduam në “Radio Prishtina” me babanë e Dua Lipës në lidhje me albumin e fundit të vajzës së tij si dhe për projektet e tij që i ka në Britani dhe në Kosovë.
E tashmë ai po komentohet në të gjitha magazinat e njerëzve të famshëm si: “The Sun”, “People” e “Daily Mail”.
Me suksesin e Duas, bota filloi t’i kthejë sytë edhe kah babai i saj Duki. Tabloidi britanik “The Sun” shpesh ka shkruar dhe i ka publikuar fotot e tij dhe tash e ka futur atë në një listë me babanë e këngëtares Perrie Edwards, atë të Holly Willoughby, të modeles Molly-Mae Hague dhe të Heidi Klumit.
Në artikullin dedikuar baballarëve më të pashëm të personave të famshëm, babai i Dua Lipës është cilësuar si një mashkull me tipare shumë tërheqëse.
“Babai i Dua Lipës është ‘Hotter than hell’ (më i nxehtë se ferri)”, shkruan “The Sun”, teksa i referohet këngës hit të Duas.
Dukagjini është vlerësuar edhe për mënyrën ideale të të menaxhuarit të karrierës së vajzës së tij.
