‘Maqina’, një shou televiziv i munguar në hapësirat tona mediale

“Maqina” është emisioni i ri që do t’i pushtojë ekranet televizive në këtë  fillimvit.

Duke qenë një projekt kreativ, i destinuar për shijet e holla të publikut, ajo vjen në produksion të FrameIn dhe do të shfaqet si pjesë e programit artistik të televizionit Alsat M.

“Maqina” ka karakter zbavitës dhe mëton promovimin e vlerave bashkëkohore artistike, përkatësisht të muzikës moderne, sjellë përmes një duzine artistësh të stileve e karaktereve të ndryshme që do të jenë pjesë e kësaj “maqinerie” artistike, e cila jo vetëm ka për qëllim glorifikimin e vlerave muzikore, kapaciteve krijuese dhe individualiteteve artistike, por edhe të krijimit e profilizimit të një pjese të tyre.

Ky gërshetim midis emrave që tanimë kanë zënë vend në sistemin e vlerave tona kulturore-muzikore dhe të atyre që sapo kanë dalë në rrugën e artit e bën “Maqinën” të vlefshme si për një auditor të gjerë, ashtu edhe për atë me shije specifike.

Ajo që e karakterizon këtë nismë është energjia dhe dëshira për risinë, elementi kryesor që e vë në lëvizje “Maqinën”, e cila i shenjon artistët e gjithë hapësirës muzikore shqiptare, ata që janë të gjithpranishëm dhe ata që presin për t’u zbuluar.

“Maqina” është një produkt tejet profesional në ralizim si në pikëpamje audiale, ashtu edhe në atë viziuele. Koncepti i saj që ka trajtën e një shoi televiziv, me performime artistësh dhe biseda të këndshme për jetën dhe punën e tyre, e nxjerr këtë projekt nga radha e emisioneve të thjeshta, e tipizon atë dhe e sjell më afër publikut.

Episodi  parë  i “Maqinës” do të shfaqet të dielën, më 14 janar 2017, në orën 16:30, në televizionin Alsat M.

Kritikët “preliminarë” thonë që do të jetë pika roze e televizionit në sezonin e ri të emisioneve. E mirëpresim!