Si ndikon ushqimi në ekuilibrin e mikrobiomës së zorrëve?

Mikrobioma e zorrëve, komuniteti i baktereve që jetojnë në traktin tretës, është një faktor kyç për shëndetin imun, metabolik dhe neurologjik.

Studimet e fundit tregojnë se dieta jonë ka ndikim të drejtpërdrejtë mbi këtë mikrobiomë, duke ndikuar në shëndetin tonë afatgjatë, shkruan Medical News, transmeton Gazeta Shneta.

Ushqimet e pasura me fibra, perime, fruta dhe probiotikë janë të lidhura me balancimin e bakterieve të mira dhe zvogëlimin e inflamacionit kronik, ndërsa ushqimet e përpunuara dhe sheqernat e tepërta mund të dëmtojnë mikrobiomën dhe të rrisin rrezikun për sëmundje metabolike, kardiovaskulare dhe autoimune.

Ekspertët theksojnë rëndësinë e një diete të ekuilibruar dhe të pasur me ushqime natyrale, duke përfshirë drithëra të plota, kos të pasur me probiotikë dhe yndyrna të shëndetshme si vaj ulliri.

Ata këshillojnë gjithashtu të shmanget mbingarkesa me karbohidrate të rafinuara, ëmbëlsira dhe ushqime të skuqura, që dëmtojnë mikrobiomën dhe rrisin inflamacionin.

Ky studim ndihmon në kuptimin se shëndeti i zorrëve lidhet me shëndetin e përgjithshëm dhe se mënyra e të ushqyerit mund të jetë një nga mjetet më të fuqishme për parandalimin e sëmundjeve kronike dhe përmirësimin e imunitetit.