Varianti “Stratus” i COVID po përhapet dhe ka një simptomë unike – ja çfarë duhet të dini
Kanë kaluar pesë vjet që nga shpërthimi i koronavirusit dhe, ndonëse vaksinat e kanë bërë situatën më të sigurt për ata më të ndjeshëmit, Covid mbetet diçka për të cilën duhet të kemi kujdes dhe të jemi të informuar.
Organizata Botërore e Shëndetësisë ka lëshuar një deklaratë duke thënë se varianti XFG, i quajtur gjithashtu ‘Stratus’, ka gjasa të bëhet së shpejti varianti dominues, me simptoma paksa të ndryshme nga kollitja e rëndë dhe lodhja klasike që i kemi lidhur me Covidin deri më tani, transmeton Zeri.info.
Mendohet se Stratus tashmë është bërë virusi dominues në Indi dhe po përhapet në mbarë botën. GISAID, një iniciativë globale që gjurmon variantet, ka gjetur një rritje të ndjeshme në mostrat që përmbajnë variantin Stratus gjatë analizës së të dhënave nga 38 vende.
Kompania raportoi se 22.7% e të gjitha mostrave të testuara ishin pozitive për Stratus, një rritje prej 7.4% krahasuar me javën e kaluar.
“Ndryshe nga variantet e tjera, Stratus ka disa mutacione në proteinën spike, të cilat mund ta ndihmojnë atë të shmangë antitrupat e zhvilluar nga infeksionet ose vaksinat e mëparshme,” tha Dr. Kayëaan Khan, mjek në Harley Street dhe themelues i Hannah London Clinic, për Cosmopolitan UK. “Megjithatë, është e rëndësishme të theksohet se Stratus nuk duket të jetë më i rëndë se variantet e hershme të Omicronit për nga sëmundja, shtrimet në spital ose vdekjet.”
Çfarë është varianti Stratus i Covid?
Siç shpjegon Dr. Khan: “Koronavirusët janë një grup virusesh, të emërtuar sipas pamjes së tyre në formë kurore, dhe përfshijnë shumë shtame, duke përfshirë ato që shkaktojnë të ftohtin e zakonshëm. Varianti Stratus i Covid, i njohur gjithashtu si XFG, është një nënshtam i ri i Omicron-it, i cili po qarkullon në mbarë botën dhe tani përbën 25% të rasteve me Covid (që nga maji 2025).”
Simptomat e variantit Stratus të Covid
Tashmë, shumica prej nesh jemi të njohur me simptomat e përgjithshme të Covid-it, si temperatura, humbja e shijes ose nuhatjes, dhe kolla.
Megjithatë, ka një shenjë të re dalluese për të cilën duhet të kemi kujdes kur bëhet fjalë për Stratus-in.
“Sipas Dr. Khan, një nga simptomat më të dukshme të variantit Stratus është ngjirja e zërit, e cila përfshin një zë të ashpër ose të ngjirur. Edhe pse simptomat shfaqen ndryshe dhe ndryshojnë nga personi në person, ato të Stratus-it priren të jenë nga të lehta deri te mesatare.
Pavarësisht nëse simptomat ngjajnë me të ftohtin apo gripin, testimi mbetet hapi kyç për të përjashtuar mundësinë e një infeksioni me koronavirus.”/Zëri
