I riu që pësoi aksident të rëndë ndodhet në gjendje kome, familja kërkojnë ndihmë
Adonit Sadiku, nga komuna e Vitisë, ka pësuar një aksident të rëndë në muajin prill.
Si pasojë e këtij aksidenti, ai ndodhet ende në gjendje kome në spitalin “Acibadem Sistina” në Shkup.
Familjarët e tij e kanë të pamundshme t`i përballojnë shpenzimet, prandaj kanë kërkuar ndihmën e njerëzve me vullnet të mirë.
Riad Sadiku, një familjar i të aksidentuarit, i ka bërë publike llogaritë bankare ku mund të ndihmohet familja Sadiku.
“Adonit Sadiku, 20 vjeç, nga Vitia (Skifteraj), ka pësuar aksident të rëndë me datën 13.04.2024 dhe si pasojë ndodhet në gjendje kome, i vendosur në spitalin ‘Acibadem Sistina’ në Shkup. Për arsye të shpenzimeve shumë të larta për trajtimet mjekësore, është e papërballueshme për familjen. Diagnoza: St post Car accident (V89.2XXA); Polytrauma (T07); Coma cerebri (R40.2); Pneumothorax bill. (J93.0); Contusio RLC lat. dex. (S83.511A); HIC reg. Talamica dex. (S06.361); Hematosinus maxillaris (S02.401A); Contusio hemorrhagica pulmonum (S27.329), Tracheostomia Chirurgica Apelojmë te të gjithë ata që kanë mundësi dhe vullnet që ti dalin në ndihmë Adonitit, në mënyrë që ai të kalojë këtë sfidë jetësore”, shkroi Riad Sadiku në profilin e tij në Facebook.
