Dermatologu paralajmëron për shenja në lëkurë që tregojnë gjendje të rënda shëndetësore
Çdo pjesë e trupit tonë mund të mbajë të dhëna të rëndësishme për shëndetin tonë, duke përfshirë lëkurën tonë. Profesionistët e lëkurës shpesh mund të dallojnë shenjat treguese të sëmundjes kronike vetëm duke parë fytyrën.
Tekstura dhe ngjyra e jonë mund të zbulojë shumë për shëndetin. Për fat të mirë, dermatologu nga Nju Jorku Jeremy Brauer zbuloi për BuzzFeed se çfarë duhet të keni kujdes.
Skuqje
Në varësi të modelit, skuqja mund të jetë një shenjë e rosacea, acarim të lëkurës ose një reaksion alergjik. Mjeku shpjegoi se pikat e vogla të kuqe ose vjollcë, të cilat nuk zbehen kur shtypen, mund të tregojnë mungesë vitamine ose probleme më serioze shëndetësore.
Përveç kësaj, njollat ëe kuqe mund të jenë shenjë e kancerit të lëkurës, ndërsa skuqja e kuqe në faqe shfaqet shpesh me lupus.
Ndryshimi i ngjyrës së lëkurës
Sipas Dr. Brauer, kjo simptomë vjen në shumë ngjyra, secila duke treguar një shkak specifik. E kuqja tregon inflamacion, kafeja tregon ndryshime në pigmentim dhe bluja është shenjë e problemeve vaskulare.
Shikimi i njollave rozë dhe të verdha në pjesën e poshtme të këmbëve mund të jetë një shenjë se duhet të kontrollohemi për diabetin. Megjithatë, mund të tregojë gjithashtu probleme tiroide ose sëmundje inflamatore si sëmundja e Crohn dhe artriti reumatoid, thotë dermatologu, shkruan Index.hr, transmeton Klankosova.tv.
Trashje e lëkurës
Trashja e lëkurës mund të jetë një tjetër shenjë paralajmëruese e diabetit. Kjo simptomë është shpesh e dukshme në gishta, duar dhe këmbë.
“Ju duhet të bëni një ekzaminim në shtëpi një herë në muaj. Kontrolloni lëkurën tuaj nga flokët dhe skalpi deri te gishtat e këmbëve dhe nga përpara në mbrapa. Nëse shihni gunga të pazakonta, zgjebe ose ndonjë ndryshim tjetër, duhet të shihni një dermatolog.” këshillon doktor Brauer.
