KFOR-i italian dhuron 40 mijë euro për Klinikën e Pediatrisë

E shtuna e 23 dhjetorit u dedikua si ditë për bamirësi nga KFOR-i italian, në Kosovë.

40 mijë euro, është shuma që u nda për Klinikën e Pediatrisë, të cilat do të shfrytëzohen për trajtimin e fëmijëve, njofton Klan Kosova.

Tejet i lumtur për ndihmën u shpreh i pari i karabinierëve italianë, Ruggerio Capodivento që tha se “së shpejti do të sjellim doktorë kirurgë të cilët nuk i posedon ky spital”.

Ndihmën e mirëpritën edhe stafi i këtij reparti të cilët u shprehën falënderues duke deklaruar se ky donacion do t’ua lehtësojë goxha shumë punën atyre.