Ministria e Shëndetësisë i blen 14 autoambulanca

Ministria e Shëndetësisë i ka blerë 14 autoambulanca. Për këtë tender e ka shpërblyer grupin e operatorëve ekonomikë “Madekos Sh.P.K ES Industry Sh.P.K” me vlerën prej 904 mijë e 383 mijë eurove.

Sipas dosjes së tenderit të publikuar në KRPP, sasia e përafërt është 14 copa për 3 vjet buxhetore, por kjo mund të ndryshojë varësisht nga Korniza Afatmesme e Shpenzimeve, në limitet + -30%.

Po ashtu, sipas dosjes së tenderit, për këtë projekt kanë aplikuar vetëm dy kompani, kompania e cila është shpërblyer me kontratë është me çmim më të lartë se kompania tjetër që ka ofertuar.

Oferta e kompanisë tjetër ishte 899 mijë e 920 euro, raporton Indeksonline.

Kompania kishte paraqitur ankesë në ministri për shkak të diskualifikimit dhe në arsyetimin e ministrisë thuhet se ky vendim erdhi pasi oferta ishte e papërgjegjshme dhe nuk plotësohet kriteri numër 4 kërkesat mbi mundësitë teknike.