Këta janë çipsat nga Serbia me përmbajtje kancerogjene

Inspektorati Shtetëror i Kroacisë ka njoftuar sot se janë zbuluar substanca kancerogjene në disa produkte ushqimore serbe.

Gjatë ditës së sotme në kufirin Kroaci-Serbi, një nivel i lartë i akrilamidit kancerogjen është gjetur në çipsa.

LEXO EDHE: KE-ja paralajmëron: Çipsat nga Serbia përmbajnë substanca kancerogjene

Siç shkruan N1, bëhet fjalë për prodhuesin Chips way d.o.o. nga Çaçaku – Chips Bits & Byte Paprika 150 g.

Këtë e ka konfirmuar edhe Komisioni Evropian, pas aktivizimit të alarmit të shpejtë.

Akrilamide gjenden zakonisht në bukë, patate të skuqura, drithëra, biskota dhe kafe, transmeton telegrafi.

Agjencia Kroate e Ushqimit vlerëson se prania e akrilamidit në ushqim mund të rrisë rrezikun e zhvillimit të kancerit në të gjitha grupmoshat e njerëzve.