Prindërit mund t’i djegin tre mijë kalori duke lutur fëmijët të vishen për shkollë
Një studim i kohëve të fundit i kryer nga eskpertë kryesorë në shkencën e sportit ka zbuluar se prindërit mund t’i djegin deri në 3 mijë kalori ndërsa luten dhe bërtasin duke i inkurajuar butësisht fëmijët e tyre në një përpjekje për t’i bindur ata të vishen dhe të jenë gati për shkollë.
Kolegji Amerikan i Mjekësisë Sportive ka konfirmuar se veprimet e ndryshme të kryera nga prindërit ndërsa përpiqen t’i veshin fëmijët e tyre dhe t’i bëjnë gati për shkollë, mund të arrijnë në një sasi të ngjashme energjie të shpenzuar kur vrapojnë një maratonë.
"Po, në të vërtetë është ekuivalente me vrapimin e një maratone dhe më pas luftimin e një ariu të zemëruar”, shpjegoi profesor Olan Wyche, kreu i studimit i cili vëzhgoi mbi 1.000 familje dhe rutinat e tyre të vrapimit në shkollë në mëngjes.
“Tani, nëse keni më shumë se tre fëmijë, kjo mund të jetë më shumë se 4.000 kalori”, shtoi Wyche.
Në studim u morën në konsideratë shkallë të ndryshme kundërshtimi nga fëmijët ndaj veshjes për në shkollë, dhe ndërsa disa fëmijë nuk kanë probleme të shkojnë në shkollë, të tjerë, ngjashëm me prindërit e tyre, djegin gjithashtu shumë kalori.
Këshilla për prindërit përfshin pushimin për pjesën tjetër të ditës dhe një masazh intensiv të indeve të thella pasi më në fund i bindin fëmijët e tyre të bien dakord të vishen.
