Thani rrobat më shpejt duke përdorur metodën me peshqir

Ka filluar të bëhet ftohtë jashtë gjatë javëve të fundit, dhe është e lehtë që rrobat e palara të fillojnë të grumbullohen tani që nuk mund t’i varim më jashtë.

Rrobat mund të marrin ditë të tëra për t’u tharë brenda në shtëpi, gjë që mund të jetë shumë frustrues, por shumë njerëz hezitojnë të ndezin tharësen elektrike pasi ajo mund të rrisë ndjeshëm faturat e energjisë.

Megjithatë, Fiona, një eksperte pastrimi dhe themeluese e faqes Dolly Dowsie, ka zbuluar një mënyrë shumë të thjeshtë për të tharë rrobat shpejt – dhe gjithçka që ju duhet është një peshqir.

“Për një zgjidhje të shpejtë, provoni këtë truk të njohur: shtrini një peshqir të thatë dhe përthithës mbi një sipërfaqe të sheshtë dhe vendosni rrobat e lagura mbi të. Mbështilleni peshqirin fort me rrobat brenda dhe shtrydhni mirë. Ky proces ndihmon në thithjen e lagështirës së tepërt nga rrobat, duke i ndihmuar të thahen më shpejt”.

Peshqirët veprojnë si sfungjerë që thithin lagështinë e tepërt nga rrobat, gjë që ul ndjeshëm kohën e tharjes.

Kjo metodë e thjeshtë mund t’ju ndihmojë që rrobat të thahen që të njëjtën ditë që i lani, gjë që është perfekte për të mos mbetur prapa me larjen ose për të pasur veshjen tuaj të preferuar gati për mbrëmje.

Si të thani rrobat vetëm me një peshqir?

Vendosni një peshqir në një sipërfaqe të sheshtë, si një tavolinë apo dysheme.

Vendosni rrobat e lagura mbi peshqirin.

Rrotullojeni peshqirin fort me rrobat brenda dhe shtrydhni butësisht për të nxjerrë ujin e tepërt. Nëse mundeni, mund të uleni mbi të për më shumë presion.

Pastaj, thjesht varni rrobat për t’u tharë.

Për rroba të lehta si bluzat, mund të duhen nga një deri në katër orë për t’u tharë, ndërsa për rroba më të trasha si xhinset, nga katër deri në tetë orë.