A zgjoheni të trembur në mëngjes, trupi juaj po vuan nga ky shqetësim

Stresi dhe pagjumësia janë të lidhura ngushtë me njëra-tjetrën. Sipas mënyrës si flini, ka dy lloje njerëzish: gjumashët dhe ata që zgjohen shumë herët.

Personat që zgjohen herët e nisin ditën e tyre në agim, ndërsa gjumashët ka raste që shkojnë në atë orë për të fjetur. Mirëpo, ndodh ndonjëherë që gjendja mendore e një personi i bën ata të zgjohen herët edhe nëse nuk e kanë qëllim.

Nëse edhe juve ju ndodh kjo gjë, mund të jetë një ide e mirë për të shkuar më thellë për të zbuluar shkakun.

Ju ndiheni të shqetësuar herët në mëngjes

Nëse ju ndodh ndonjëherë që të zgjoheni në mëngjes herët i shqetësuar, kjo mund të jetë një shenjë se ju jeni tepër të stresuar. Kjo ndjenjë e pakëndshme turbullon edhe aktivitetet tuaja të përditshme.

Emocionet, truri dhe trupi janë të lodhur dhe i humbasin të gjitha mbrojtjet e tyre kundër stresit emocional.

Stresi i pakontrolluar shkakton ankth në mëngjes dhe çuditërisht, është mjaft i zakonshëm. Kjo sjell shumë ndjenja të pakëndshme, duke ju detyruar të filloni ditën tuaj me një ndjenjë negative dhe ju ndalon ta shijoni ditën.

Njerëzit që vuajnë nga ankthi në mëngjes vazhdimisht ndihen të shqetësuar dhe “në panik”. Kjo zakonisht shoqërohet nga nervozizmi, mungesa e përqendrimit, përgjumje, madje edhe sulme paniku.

Stresi që shkakton ankthi është i dëmshëm për trupin tuaj. Ai rrit rreziqet e kushteve si obeziteti, sëmundjet e zemrës, diabeti, problemet gastrointestinale, astma dhe shumë më tepër. /Telegrafi