SHBA-ja miraton shitjen e mishit të rritur në laborator

Mishi i rritur në laborator, i bërë nga qelizat e pulës të kultivuara në kuti çeliku, tani mund të prodhohet dhe shitet në SHBA për herë të parë.

Dy kompani me bazë në Kaliforni, Upside Foods dhe Good Meat, u bënë të parat në vend që morën miratimin nga Departamenti Amerikan i Bujqësisë (USDA) për të prodhuar dhe shitur prodhime laboratorike produkte pule.

Procesi i bërjes së mishit të rritur në laborator, i quajtur gjithashtu mish "i kultivuar" ose "sintetik", fillon me marrjen e mostrave të qelizave nga indet e një kafshe të gjallë. Qelizat më pas kontrollohen dhe ruhen në një grup qelizash. Ato më vonë mblidhen dhe zhvendosen në enë të mëdha, të mbyllura shpesh kuti çeliku.

Kutitë veprojnë si bioreaktorë ku qelizat mund të shumohen me shpejtësi. Prodhuesit u ofrojnë qelizave lëndë ushqyese, sipërfaqe ku qelizat të rriten dhe faktorë të rritjes së proteinave që i nxisin qelizat të diferencohen në muskuj, yndyrë dhe inde lidhëse si ato që gjenden në një pulë të zakonshme. Pasi të diferencohen dhe të jenë gati, qelizat mblidhen dhe "përgatiten duke përdorur metoda konvencionale të përpunimit dhe paketimit të ushqimit".