10 vitaminat që duhet t’i marrë çdo grua

Një listë me vitaminat më të rëndësishme për shëndetin e femrave dhe ushqimet se ku gjenden. Një guidë praktike, për të mos e harruar!

Për të qënë sa më të shëndetshëm dhe sa më energjikë të gjithë kemi nevojë të marrim vitaminat e duhura nga ushqimet e duhura.

Kryesisht femrat janë ato që duhet të bëjnë kujdes me ushqyerjen, ndaj sugjerohet që të marrin me patjetër këto vitamina per të shmangur disa probleme me shendetin:

1. VITAMINA C

Vitamina C jep përfitime të ndryshme shëndetësore dhe rrit imunitetin.

Përshpejton proceset shëruese, ul rrezikun e kancerit, dëmtimin e indeve dhe ndihmon në riperteritjen e tyre si dhe parandalon problemet kardiovaskulare.

Ushqimet që e përmbajnë janë domatet, patatet, portokallet, brokoli, kivi, greipfruti, specat, luleshtrydhet.

2. VITAMINA B7

Vitamina B7 ose biotina është e nevojshme për të rritur qelizat dhe sintezën e acideve yndyrore.

Ndihmon në shëndetin e mirë të gjendrave, flokëve, lëkurës dhe thonjve.

Rregullon kolesterolin dhe është esenciale për rritjen e kockave.

Ata që kanë  mungesa te theksuara te B7, vuajnë nga depresioni, anemia, të skuqurat, thonjtë e brishtë, funksionim jo normal i zemrës dhe letargji.

Burimi më i mirë janë karotat, thjerrëzat, djathi, arrat, e verdha e vezëve, peshku, specat, patatet e ëmbla, tërshëra, bajamet, bananet, kungulli, frutat e verdhë, orizi kaf, perimet me gjethe jeshile, qumështi dhe kosi.

3. VITAMINA E

Kjo vitaminë ka aftësinë anti moshë çka parandalon dëmtimin e qelizave dhe ndryshimet në trup që lidhen me moshën.

Gjithashtu parandalon disa lloje kanceri, humbjet e kujtësës, sëmundjet e zemrës dhe kataraktet.

Gjendet tek gjalpi i kikirikut, vaji i misrit, spinaqi, arrat, bajamet dhe te farat e lulediellit.

4. VITAMINA A

Kjo vitaminë vepron si një antioksidant dhe ndihmon në forcimin e lëkurës, kockave, dhëmbëve, indeve të buta dhe membranave mykotike.

Janë të pasura me të ushqime si qumështi, papaja, kale, pjepri, specat e kuq dhe drithërat e fortifikuar.

5. VITAMINA B6

Vitamina B6 është vitale për sistemin imunitar.

E stimulon trupin të prodhojë hormone dhe kimikatet e trurit duke parandaluar humbjet e kujtesës, sëmundjet e zemrës dhe depresionin.

Gjithashtu trajton dhe problemet me përzierjet dhe të vjellat e shtatzënisë.

Ushqimet e pasura me të janë farat, peshku, bananet, mishi, drithërat e forttifikuar, avokado, fasulet, drithërat, frutat e thatë.

6. VITAMINA K

Forcon kockat dhe ul rrezikun e sëmundjeve kardiovaskulare.

Mund të merret nëpërmjet vajit të peshkut, ushqime me drithëra, vaji i sojës dhe perimet me fletë jeshile.

7. VITAMINA B9

Vitamina B9 ose acidi folik është shumë i rëndësishëm në rastet e tensionit të lartë të gjakut, sëmundjeve të zemrës, depresionit, kancerit dhe humbjeve të kujtesës.

Mund ta konsumoni nëpërmjet pjeprit, vezëve, fasuleve, luleshtrydheve, perimeve me fletë jeshile të errët, lëngut të portokallit, shpargujve, drithërave, bishtajoreve.

8. VITAMINA B2

Vitamina B2 njihet si riboflavin dhe është esenciale pë metabolizmin, shëndetin e mirë dhe rritjen normale.

Mungesa shkakton sistem të ulët imunitar, ndikon metablozmin dhe funksionet neurale.

Të pasura me vitaminë B2 janë qumështi, kërpudhat, bajamet, vezët, arrat, drithërat, të brendshmet, djathi, kosi, perimet me gjethe dhe soja.

9. VITAMINA B12

Kjo vitaminë është vitale për ndarjen e qelizave.

Rrit procesin e metabolizmit dhe sintezën e proteinave dhe të ndihmon kundër anemisë, humbjes së kujtesës dhe sëmundjeve të zemrës.

Gjendet tek vezët, qumështi, djathi, peshku, kosi dhe çerealet e pasuruara.

10. VITAMINA D

Kjo vitaminë ndihmon në përthithjen e kalciumit, jetesor për shëndetin e kockave dhe ul rrezikun e disa llojeve të kancerit, sklerozës dhe artritit.

Ekspozimi në diell për 10-15 minuta e ndihmon trupin të prodhojë sasinë e nevojshme ditore.

Gjithsesi, gjendet te produktet e bulmetit, te veza, te kërpudhat./EO