Dy kometa pritet të kalojnë shumë pranë tokës
Tetori 2025 po shndërrohet në një muaj të paharrueshëm për vëzhguesit e qiellit. Jo një, por dy kometa do të ndriçojnë qiellin e natës dhe mund të bëhen të dukshme edhe me sy të lirë, nëse kushtet janë të përshtatshme.
Çifti, Kometa C/2025 A6 (Lemmon) dhe Kometa C/2025 R2 (SWAN), pritet të kalojnë mjaft afër Tokës këtë muaj, duke u dhënë mundësinë miliona njerëzve në mbarë botën të shijojnë një spektakël të rrallë kozmik pa pasur nevojë për teleskopë, shkruan science.sbtechem.com, transmeton Zeri.info.
Një spektakël i dyfishtë i rrallë
Kometat janë trupa akullnajorë që udhëtojnë përmes sistemit diellor, duke lënë pas bishta ndriçues gazi dhe pluhuri kur i afrohen Diellit. Të shohësh një kometë me sy të lirë është ngjarje e veçantë, por të shohësh dy në të njëjtin muaj është diçka jashtëzakonisht e rrallë.
Kometa C/2025 A6 (Lemmon): E zbuluar për herë të parë në janar 2025, kjo kometë do t’i afrohet Tokës më së shumti rreth datave 20–21 tetor. Astronomët parashikojnë se ajo mund të arrijë ndriçimin me magnitudë 4, që është afër kufirit të dukshmërisë pa dylbi. Nëse qielli është i kthjellët dhe i errët, mund ta shihni me sytë tuaj.
Kometa C/2025 R2 (SWAN): E zbuluar më vonë, në shtator, kjo kometë e re do të kalojë gjithashtu afër Tokës gjatë fundit të tetorit. Parashikimet e hershme tregojnë se mund të bëhet po aq e ndritshme sa Lemmon, ndoshta duke arritur magnitudën 4. Edhe pse kometat janë të paparashikueshme, SËAN mund të ofrojë një spektakël mbresëlënës.
Periudha më e mirë për të parë të dyja kometat do të jetë nga 20 deri më 23 tetor, kur ato do të jenë më afër Tokës dhe Hëna do të jetë pranë fazës së re, duke ulur ndriçimin e saj.
