Zbulohen dy planete “të banueshëm”, të ngjashëm me Tokën

Galaktika jonë mund të jetë plot me botë të jetueshme si e jona, pasi astronomët vunë re dy planetë të tjerë të ngjashëm me Tokën.

Studiuesit gjetën dy planetë me masa të ngjashme me Tokën që rrotullohen rreth yllit GJ 1002, një xhuxh i kuq që është më pak se 16 vite dritë nga Sistemi Diellor.

Yjet xhuxh të kuq janë të vegjël dhe të ftohtë në temperaturë dhe janë lloji më i zakonshëm i yjeve në galaktikën tonë të Rrugës së Qumështit.

Alejandro Suarez Mascareno, një studiues në Instituto de Astrofisica de Canarias në Ishujt Kanarie, tha: “Natyra duket e vendosur të na tregojë se planetët e ngjashëm me Tokën janë shumë të zakonshëm. Me këto dy ne tani njohim shtatë në sistemet planetare mjaft afër Diellit.”

Të dy planetët janë në zonën e banueshme të yllit të tyre, ku temperatura është në nivelin që mund të ekzistojë uji i lëngshëm.

Planeti GJ 1002b, merr pak më shumë se 10 ditë për të përfunduar një orbitë rreth yllit, ndërsa GJ 1002c ka nevojë për pak më shumë se 21 ditë.

Bashkautorja Vera Maria Passegger tha: “GJ 1002 është një yll xhuxh i kuq, me pothuajse një të tetën e masës së Diellit. Është një yll mjaft i ftohtë dhe i zbehtë. Kjo do të thotë se zona e tij e banueshme është shumë afër tij. “

Studiuesit besojnë se mund të jetë e mundur të zbulohet struktura e atmosferës së tyre, duke përfshirë nëse ka oksigjen.

Afërsia e yllit me Sistemin tonë Diellor nënkupton që dy planetët, veçanërisht GJ 1002c, mund të analizojnë atmosferat e tyre bazuar ose në dritën e tyre të reflektuar ose në emetimin e tyre termik.