Pronari në Zelandë të Re ofron një “Tesla” falas për këdo që ia blen shtëpinë

Një pronar toke në Zelandën e Re shpreson të jetë ndryshe nga shitësit e tjerë, duke ofruar një Tesla falas për personin që blen shtëpinë e tyre.

Shtëpia – një pronë me shtatë dhoma gjumi dhe pesë banjo – thuhet se ka qenë në treg për javë të tëra.

Pronari ka hedhur ofertën e një makine të re në përpjekje për të ëmbëlsuar marrëveshjen prej 1.8 milionë dollarësh (928,000 £).

Çmimet e shtëpive në Zelandën e Re kanë parë rënien e tyre më të madhe në 30 vjet dhe ranë 10.9 për qind në tetor – muaji i 11-të radhazi i rënies së tyre.

“Rritja e normave të hipotekave vazhdon të rëndojë mbi çmimet e banesave dhe aktivitetin e shitjes”, thanë ekonomistët e Kiwibank në një shënim.

Kështu, pronarët e shtëpisë në Flat Bush, duhej të ulnin çmimin dhe të bënin diçka për të dalluar nga 400+ listimet e tjera në periferi të Auckland, tha agjenti i shitjeve të banesave “Barfoot & Thompson”, Kapil Rana.

Çmimi i makinës është një “bonus” në vend që të shtojë vlerën e tregut, shtoi ai.

Pas blerjes së shtëpisë, pronari i ri do të mund të zgjedhë ngjyrën e makinës – Tesla Model Y – ka pesë opsione – dhe më pas do të porositet dhe më pas do t’i vjen direkt nga prodhuesi. /Telegrafi